Të martën, më 26 nëntor 2024, Shoqata kulturore shqiptare në Kroaci “Shkëndija” pati nderin të performojë në manifestimin e festës së Pavarësisë së Shqipërisë, që u mbajt në sallën e mbushur plot me njerëz të Universitetit të Hapur Popullor në Goricë të Madhe. 

Në këtë manifestim të veçantë, të organizuar nga Këshilli i Pakicës Kombëtare Shqiptare të Qarkut të Zagrebit, ansambli “Shkëndija” prezantoi vallet tradicionale shqiptare, duke i kënaqur të pranishmit me performancën e tyre dhe ruajtjen e trashëgimisë së pasur kulturore shqiptare.

Është një nder i madh për ne që të përfaqësojmë kulturën shqiptare në Kroaci dhe të vazhdojmë traditën e të parëve tanë. Momente të tilla konfirmojnë rëndësinë e ruajtjes dhe promovimit të traditës, identitetit dhe artit shqiptar dhe na frymëzojnë që të vazhdojmë të kontribuojmë në jetën kulturore të komunitetit tonë.